كانت قصيده ابن فطيس في الحلقه قبل الاخيره موجهه الى الشاعر الكبير خلف بن مشعان
عندما القاء قصيده وكان من ضمن الابيات التي قالها :
الذيب كانه ذيب يدرع بالذياب ... ويخلي الخرفان للضبع العويق
رد على قصيدة الشاعر خلف المشعان او بمعنى اصح على بيت خلف حينما قال :
الشجاعة تغلب الكثره وانا اعطيك الدليل ... الذيب يدرع بالغنم ولا يحسب احسابها
وجاء رد لشاعر خلف المشعان على ابن فطيس بهذه القصيدة :


ماني بمن ياتي على شان يدرون=انا الذي يدرون به قبل ياتي

نجمي سطع من غير بيرق ومليون=قليل في جيلي يسوي سواتي

ماجيت اهايط بس لا زم تعرفون=مازعزعت بعض السوالف ثباتي

لو شلت في قلبي مثل مايشيلون=ماكانت الطيبة من ابرز صفاتي

يامحمد ابن فطيس وش فيك مشحون=مااخطيت يوم اني حسبتك لقاتي

ابي اطفي الفتنه وابي انشدك وشلون=اسلم من الضيعه واجمع شتاتي

الناس معها عقل ولسان وعيون=وقدامهم كزيت يمك وصاتي

ماجيتك ببيت مع الشعر مدفون=جيتك على وضح النقا ياغناتي

ماني من اللي في قفا الناس يحكون=عيب على ألحق خويي حصاتي

اللي ليا قفيت عنهم يهدون=ماهم بكفو لرجعتي والتفاتي

سكرت اذاني عن وكالة يقولون=وذكرت لي بيت يفسر سكاتي

الله يجيبك من بعيدن اليا دون=والله يحطك باللقا من تلاتي